தாவர இழையங்கள்

ஒரு குறிப்பிட்ட தொழில் அல்லது தொழில்களுக்காகச் சிறத்தல் அடைந்த ஒரே உற்பத்தியுடைய பௌதீகத் தொடர்புகளைக் கொண்ட கலங்களின் கூட்டம் இழையம் எனப்படும்.
இழையங்கள் தோற்றுவிக்கப்படல் அங்கியின் வினைத்திறன் அதிகரிப்புக்கு உதவும்.

பிரியிழையம்

உயிர்ப்பாகப் பிரிகையடைந்து புதிய கலங்களைத் தோற்றுவிக்கும் வியத்தமடையாத கலங்களின் கூட்டம் பிரியிழையம் எனப்படும்.

நிலையிழையம்
ஒரு குறிப்பிட்ட தொழில்களை நடாத்துவதற்கு பிரியிழையக் கலங்களில் இருந்து வியத்தமடைந்துள்ள கலங்களின் கூட்டம் நிலையிழையம் எனப்படும்.
இவை பொதுவாக பிரியுமாற்றலை இழந்துள்ளது. இருப்பினும் சிலவேளைகளில் மீண்டும் பிரியுமாற்றலைப் பெறும்.
அங்கிகளின் வளர்ச்சியின் போது நிலையிழையங்கள் தோற்றுவிக்கப்படும். (தோற்றுவிக்கப்படும்)
ஒரு தனிக்கலத்தில் ஆரம்பித்து நடைபெறும் பல்கல அங்கிகளின் வளர்ச்சி மூன்று அவத்தைகளாகப் பிரிக்கப்படும்.

1. கலப்பிரிவு
2. கலநீட்சி
3. கலவியத்தம்

கலப்பிரிவு

இழையுருப்பிரிவினதும் கலப்பிரிவினதும் (குழியவுருப்பிரிவு) விளைவாக கல எண்ணிக்கையில் ஏற்படும் அதிகரிப்பு கலப்பிரிவு எனப்படும்.

கலநீட்சி/ கலவிரிவு

பதார்த்தங்களின் தொகுப்பின் விளைவாக ஏற்படும் மீளமுடியாத கலப்பருமன் அதிகரிப்பு கலநீட்சி/ கலவிரிவு எனப்படும்.

கலவியத்தம்

ஒரு குறித்த தொழிலைச் செய்வதற்காக கலங்களோ அல்லது இழையங்களோ சிறத்தலடையும் செயன்முறை கலவியத்தம் எனப்படும்.

அங்கியின் வளர்ச்சியும் வியத்தமும் கலங்களில் DNA இல் காணப்படும் பிறப்புரிமைச் செய்தியினால் கட்டுப்படுத்தப்படும்.

எளிய நிலையிழையம்

இரு நிலையிழையத்தில் உள்ள வியத்தமடைந்த கலங்கள் ஒரு வகைக்குரியதாகக் காணப்படுமாயின் எளிய நிலையிழையம் எனப்படும்.

Eg:- புடைக்கலவிழையம்

       ஒட்டுக்கலவிழையம்

       வல்லுருக்கலவிழையம்

சிக்கலான நிலையிழையம்
ஒன்றுக்கு மேற்பட்ட வகையான வியத்தமடைந்த கலவகைகளினால் ஆக்கப்பட்ட இழையம் சிக்கலான நிலையிழையம் எனப்படும்.

 1. காழ் (Xylem)
 2. உரியம் (Phloem)