நுணுக்குக்காட்டி(Micros cope)

வெற்றுக் கண்களுக்குப் புலப்படாத மிக நுண்ணிய அமைப்புக்களை தெளிவாகவும் உருப்பெருக்கியும் அவதானிப்பதற்கு பயன்படுத்தப்படும் உபகரணம் நுணுக்குக்காட்டி எனப்படும்.

இது பொதுவாக இரு வகைப்படும்

	நுணுக்குக்காட்டியின் வகை	பயன்படுத்தும் முதல்;/ கற்றை
1.	ஒளி நுணுக்குக்காட்டி	ஒளிக்கற்றை/ வெள்ளொளி
2.	இலத்திரன் நுணுக்குக்காட்டி	அதிவேக இலத்திரன் கற்றை

பிரிவலு
இரு பொருட்களை வேறுபிரித்து அறிவதற்கு அவற்றிற்கு அவற்றிற்கு இடையே காணப்படும் மிகச் சிறிய தூரம் பிரிவலு எனப்படும்.

பிரிவலு இல்லாதவிடத்து பொருள் மங்கலாகத் தெரியும்.

ஒளி நுணுக்குக்காட்டி(Light Micros cope)

ஒளி நுணுக்குக்காட்டியின் தோற்றம்

இலத்திரன் நுணுக்குக்காட்டியின் தோற்றம்

ஒளி நுணுக்குக்காட்டியின் பிரிவலு

ஒளி நுணுக்குக்காட்டியின்  உயர் பிரிவலு 0.2µm/200nm ஆகும்.

மனிதக்கண்ணின் பிரிவலு 0.1mm/100µm ஆகும்.

எனவே ஒளி நுணுக்குக்காட்டியின் பிரிவலு மனிதக் கண்ணிலும் பார்க்க 500 மடங்கு அதிகம்.

ஒளி நுணுக்குக்காட்டியில் கட்புலனாகும் வெள்ளொளி பயன்படுத்தப்படும்.

வெள்ளொளி ஏழு நிறங்களால் ஆக்கப்பட்ட ஒளிக்கற்றைகளால் ஆக்கப்பட்டதாகும்.

குறுகிய அலை நீளங்கள் கூடிய பிரிவலுவுடையவை.

Eg:- UV Rays

       உயர் மின் அழுத்த இலத்திரன் கற்றைகள்(High Voltage Electron Beams)

இவற்றுள் ஊதா நிறக்கதிரே மிகக்குறைந்த அலை நீளம் கொண்டதாகும்.

பார்ப்பதற்காக நாம் பயன்படுத்தும் கதிரின் அலைநீளத்தின் அரைபங்கு கொண்ட பொருட்களை மட்டுமே ஒளிநுணுக்குக் காட்டியால் பிரித்தறிய முடியும். ஏனெனில், கதிரின் பயணப் பாதையை பொருள் மறைப்பதே இதற்கான காரணமாகும்.

ஒளிக்கதிரைப் பயன்படுத்தி ஆகக்குறைந்தது 200nm விட்டம் கொண்ட பொருள்களை மட்டுமே எம்மால் பார்க்க முடியும்.

ஊதா நிறத்தின் அலைநீளம் 400nm ஆகக் காணப்படுவதே இதற்கான காரணமாகும்.

ஒளி நுணுக்குக்காட்டியின் மூலம் கலத்தை கூட்டமாக ஓரளவு அவதானிக்க முடியும் ,ஆனால் இலத்திரன் நுணுக்குக்காட்டியைப் பயன்படுத்தி கலத்தின் நுணுக்கமான அமைப்புக்களைத் தெளிவாக அவதானிக்க முடியும்.

இலத்திரன் நுணுக்குக்காட்டியின் பிரிவலு

இலத்திரன் கதிரின் அலைநீளம் மிகக்குறுகியது. ஆகையால், அதனை பயன்படுத்தி 0.5nm அளவுடைய நுண்ணிய பொருட்களையும் உருப்பெருக்கி அவதானிக்கக் கூடியதாக உள்ளது.

ஒளி நுணுக்குக்காட்டிக்கும் இலத்திரன் நுணக்குக்காட்டிக்கும் இடையிலான வேறுபாடுகள்

ஒளி நுணுக்குக்காட்டி	இலத்திரன் நுணுக்குக்காட்டி
1. கட்புலனாகும் ஒளி பயன்படுத்தப்படும்.	1. இலத்திரன் கற்றைகள் பயன்படுத்தப்படும்.
2. பிரிவலு 0.2µm	2. பிரிவலு 0.5nm
3. கண்ணாடி வில்லைகள் பயன்படுத்தப்படும்.	3. காந்த வில்லைகள் பயன்படுத்தப்படும்.
4. இயற்கையான நிறம் அவதானிக்கப்பட முடியும்.	4. விம்பம் கறுப்பு வெள்ளை.
5. மாதிரிப் பொருட்கள் உயிருள்ள or உயிரற்ற மாதிரிப்பொருட்கள்.	5. மாதிரிப்பொருள் உயிரற்ற நீரிழக்கச் செய்யப்பட்ட ஒப்பீட்டுரீதியில் சிறியது.
6. வெற்றிடம் அவசியம் இல்லை.	6. உயர் வெற்றிடம் அவசியம்.
7. மாதிரிப்பொருள் கண்ணாடி வழுக்கியின் மீது வைக்கப்படும்.	7. மாதிரிப்பொருள் வெற்றிடத்தினுள் ஒரு சிறிய Copper Grid  இல் வைக்கப்படும்.
8. உருப்பெருக்கம் >X 1000 மேல்(1500-2000)	8. உருப்பெருக்கம் X 5000000